Ominista yuuhaku nonkalo nawa Dr Esperance Luvindao okwati oku nawapaleka etakamitho lyuuhaku woku pulumutha onkee shili oshilalakanenwa oshinene shuuhaku moshilongo

Ominista yuuhaku nonkalo nawa Dr Esperance Luvindao okwati oku nawapaleka etakamitho lyuuhaku woku pulumutha onkee shili oshilalakanenwa oshinene shuuhaku moshilongo,ta londodha kutya omaso haga holoka pethimbo lyoku pulumutha ngoka taga vulu oku keelelwa,oshowo omaso goohanana, itaga pitikwa ga tsikile.

Ta popi peegululo lyoondunda ndatu dhoku takamitha oomeeme yiihumbata kokapangelogona ka Khomasdal  metitatu,minister okwa hokolola endiki onga epungulo moku hupitha oomwenyo,ndyoka tali galulilepo etumba,egameno netakamitho lishi okwiinekelwa lyaakiintu yiihumbata.

Tati elongekidho lya tetekele,ndyoka kwali lya pumbwa omumeme iihumbata a ningilwe omakonakono kosaala yoshigwana ya Khomasdal kalyali lina egameno,nolundji ohali piyaganekwa.

o Nampa oya lopota kutya minister okwa nongele kutya okapangelogona oka dhidhilika nale omatalelepo ogendji  gotango gomathulo,mboka taya galuka, oshowo omayakulo ga meme nokanona galuka, okuza sho ka opalekwa.

Ngoloneya gwa Khomas sam Sahifiihuna Nujoma okwa taambako eyambulepo,tati otali ka pupaleka eudhakano,notali endele pamwe neindilo lyomupresident oku nkondopeka omandiki guuhaku moshilongo ashihe.