Opolisi moshitopolwa Otjozondjupa oyiindiile iikonga hwahwameko yina egameno noyopambili ehulilo shiwike ndika mOtjiwarongo

Opolisi moshitopolwa Otjozondjupa oyiindiile iikonga hwahwameko yina egameno noyopambili ehulilo shiwike ndika mOtjiwarongo,moka oongundu dhoopolitika tadhi ka ninga iiikonga yyawo yahugunina komeho yomahogololo gomalelo giitopolwa niikandjohogololo geliko metitatu.

Komanda gopolisi mo Otjozondjupa komufala Philip Nghidengwa okwati oyiithana oshigongi shoku topola omayele naanambelewa yalwe aakuluntu yopolisi moshitopolwa she, naaleli yoongundu dhoopolitika dha yooloka metitatu.

Tati oshigongi osha dhenge omuthindo esimano lyoku tseyithila opolisi oo rally dha thanekwa,iikonga yegumbo negumbo,oshowo okweenda momapaandanda,unene ngele iilyo yongundu ya konda 20 otayi tsakanene.

Oongundu dhimwe odha holola kutya iikonga yawo noo rally dhomehulilo shiwike otayi kala iinene ,molwaashoka oyo yahugunina ,noya pumbwa egameno okuza kopolisi.

Hidengwa tiindiile oongundu dhi ninge eindilo lyomayakulo ngoka okuthika kesiku lyangula,opo ombelewa ye yi tseye kutya ongundu yini ya thaneka oku gongala peni na uunake,nepandaanda lili ya hala oku longitha,oku yanda omaipumo mumwe noku yanda oku piyaganeka aalongithii yalwe yoondjila.