Uukuma wopolisi owuudha unene noshili eshongo kwaamboka yeedhililwa oshowo koonzo dhopolisi

Omupopiliko gopolisi yoshilongo omupevi komufala Kauna Shikwambi okwati eudhakano muukuma wopolisi oshili uupyakadhi uunene wopashigwana,noku tula ethindakano kwaamboka yeedhililwa oshowo koonzo dhopolisi moshilongo ashihe.

Moonkundathana no Nampa metine,Shikwambi okwati nonando iitasi iipe ya  kwatelamo oku tanununamo uukuma,shoka inashi talikako onga eyamukulo lyuulethimbo,ashike eyamukulo tali kalapo, oku keelela iimbuluma nuukumwe woshigwana.

Tati eidhopemo lyopamuhanga nuuministeli wiikwameni yoshilongo,ombelewa ya Attorney General oshowo o Judiciary, okwa tegelelwa li konge eyamukulo tali kalapo ,oku yamukula uupyakadhi mbuka,nokwiindiile wo oompangu dheendeleleke emanitho lyiipotha ,oku shonopeka omwaalu goohandimwe yeli moondjedhililo.

Opolisi tati otayi pandula eyambidhidho tali tsikile okuza kepangelo oku kwathela oku yamukula koshinima shoka,tindiile ekwatelemo lyoshigwana oku pitila menongelo,elongo,oshowo oonkambadhala dhoku keelela iimbuluma.