Ngoloneya gwa Ohangwena Kadiva Hamutumwa okwati oshitopolwa osha pyakudhukilwa omahogololo gomalelo giitopolwa niikandjohogololo

Oshitopolwa osha tameke noshikumungu shomahogololo  omandaaha ,omanga omahogololo gowina, giilyo yopolisi naanambelewa yomahogololo ga ningwa ohela.

Hamutumwa moonkundathana no Nampa okwa koleke kutya iitasi yomahogololo 342 oyeetwapo moshitopolwa,naanambelewa yegameno ya topololelwa kukehe oshitaasi.

Tati eenditho pokati koshikondo shegameno nokomisi yomahogololo olya kala tali ende nawa.

Hamutumwa ta dhenge omuthindo kutya ekuthombinga lyomahogololo gomalelo giikandjohogololo noondoolopa oga simana oku manitha oshikumungu shopapangelo shoshilongo,ta holola kutya omahogololo gopashigwana omumvo gwa piti okwali ashike oshiluku shotango.

Ta gwedhako kutya etulomiilonga lyooveta dhopashigwana,omilandu no NDP6 oyiikolelela komutholomo gopaitopolwa niikandjohololo.

Aa Namibia ongula otaaka hogolola ookamusela yomalelo giitopolwa  niikandjohogololo.