O Chief regional officer omukulu moshitopolwa Kavango east oshowo aanambelewa yaali yepangelo oya holoka mompangu ya Mangistrata gwa Rundu ohela,ya taalela iipotha yoku longitha pambambo oonkatu dhawo moku iyambapaleka

Yo oyo Ludwig Thikusho 63 ngoka a longa o chief regional officer yotango okuza mo 2016 sigo 2022,Jonas Ngidileko 46 o chief works inspector muuministeli wiilonga niiyenditho,na Martin Shapumba,eli o chief works Inspector moshikondo shelongo.

Noya holoka komeho ga Mangistrata George Matsuib,ngoka eya etha kobail yoododla 10 000 kehe gumwe.

Oshipotha,shiikwatelela ko Nampa oshuundulilwa ku 4 December.

Yatatu oya mangwappo kokomisi yoku kondjitha iimbuluma ohela.

Shiikwatelela kepeko lyoshipotha shawo,pokati ka July 2021 na Sept 2021 yatatu oya longitha oombelewa nenge oonkatu dhawo paukengeleledhi okugandja otendela yoodoola 882 610 kehangano taliithanwa Stewe Investment CC inaaya landula omilandu dhoka dhina oku landulwa.