Omupresident Netumbo Nandi Ndaitwah okwiindiile aagandji yiilonga yeetepo iilonga mbyoka tayi kuthamo aanilonga moluhepo,noku nawapaleka oonkalamwenyo dhawo

(Pics:The Namibia Presidency Via Facebook)

 

Ta popi ko Aussenker ohela,sho kwali ta tamekitha opololeka ompe yomagumbo gaanilonga yehangano lyo Namibia Grape Company,omupresident okwati aanilonga mboka ya talikako nenge ya simanekwa, nohaya yambidhidhwa, ohaya longo yiitulamo.

O Aussenker oya taalela ompumbwe yomagumbo gaanilonga yomoofalama,mboka oyendji haya kala momagumbo ga ningwa moombungu,ngoka haga kala moshiponga shomafundja nomililo.

O NGC ngaashingeyi yili muukumwe no National Youth service nehangano lyo Capespan oya tameka noshikumungu shoku tunga omagumbo omape, pevi lya gandjwa kelelo lyoshitopolwa Kharas.

Omupresident,a wayiminwa kooominista dha yooloka,okwa talelepo ofaalama yomandjembele,nomandiki goku pakela omandjembele,noku endulula uunafalama onga oshilalakanenwa shopombanda mepangelo lye,noshinani shiilonga nehumokomeho.

O Namibia Grape Company oya kuta aanilonga taya kalelele yeli 450 noyopakathimbo omayovi.