Omupresident gwa Guniea Bissau okwa hokololwa uumbwa koshipundi

Ongundu yaakwiita yegameno mo Guniea Bissau ohela oyati oya kuthako oonkondo dhoku lela,konima yesiku limwe omanga iizemo yomahogololo guupresident kwali yina oku tseyithwa.

Onzonkundana yo Africa news oya lopota kutya ,ta lesha omushangwa ko TV yepangelo,omupopiliko gwepangelo Diniz N’Tchama okwati omupresident Umbaro Sissoco Embalo okuumbwa koshipundi,oongamba odha patwa,nopwa tulwa okangendjo.

Embaro lwanima okwa lombwele o France 24 kutya okuumbwa koshipundi.

Aanambelewa oyati oyeetapo shoka yati o Highly Military Command for the Restoration of order.

Inashi yela ngele Embaro okuli mondjedhililo,nonando oonzo dhegameno dha lombwele o Reuters kutya okweedhililwa koombelewa dhomukuluntu gopakwiita.

Omuulikwa gompilameno Fernando Dias okwati okuli megameno sha landula onkambadhala yoku mangwapo ,omanga ngoka kwali nale prime minister Domingos Simoes Pereira kwa lopotwa eedhililwa.

O African Union no ECOWAS oya holola eikwatopomutima,noku indila emangululo lyaanambelewa yomahogololo mboka nayo ya mangwapo.

Onkee inaashi yela oongundu dhopakwiita odha hangana nenge otadhi kondolola oshilongo pakuudha.