Omupresitend gwa America Donald Trump okwati opena ompito ombwaanawa yompangela oku hulithapo iita mo Ukraine

Omupresitend gwa America Donald Trump okwati opena ompito ombwaanawa yompangela oku hulithapo iita mo Ukraine,sha landula oonkundathana dhongaashingeyi dha America na Kyiv,sho omutumwa gwe tiilongekidhile okuya ko Russia koonkundathana oonkwawo.

Onzonkundana yo AFP oya lopota kutya konima yoowili yaashoka oombinga adhihe dhati oonkundathana tadhi tungu mo Miami,amushanga gwepangelo lya America,Marco Rubio,okwati iilonga oyindji oya pumbiwa,nonzo mosheendo sha  Kyiv yati oonkundathana kadhishi oompu.

Oonkundathana dhoka  dheya sho Kyiv a taalela ethindakano lyopakwita oshowo oshipotha shokwaahalonga nuuyuki moshilongo,odha tegelela etalelepo lyomutumwa gwa Trump Steve Witklof,yaka ikunde Ukraine nomupresitend gwa Russia Vladmir Putin ongula.

Washington okwa tulapo ompangela oku hulithapo iita yoomvula ne,nota kongo okuyi manitha paziminin lya Moscow na Kyiv.

Onzonkundana yo AFP oya lopota kutya Trump okwa lombwele aatoolinkundana kutya Ukraine okuna okaupyakadhi okashona,ta popi komakonakono gokwaahalonga nuuyuki,ngoka ga thiminike omupresitend Zelensky a tidhe of Chief of Staff nomwiikundi gopombanda.