Aahingoli loli yaali mboka ya hulithile moshiponga sheipumo mumwe olyomakaya mondjila ya Otjiwarongo-Kalkfeld oya tongololwa kaapambele yawo

Omukuluntu gwiipambele yoshigwana mopolisi ya Otjozondjupa Senior Inspector Maureen Mbeha okwa lombwele o Nampa ohela kutya yaali oya tongololwa kutya oyo omunamimvo 29 John Jao nomunamimvo 46 Fillemon Gabriel.

Ayehe oya hulitha sho oololi dhawo dhiipumu mumwe oshipala noshipala.

Gabriel okwali ta hingi ololi yo Scania,na Jao okwali ta hingi ololi yo Volvo.

Oshiponga osha holoka lopotundi onti 05h00 yongula yolyomakaya oshinano shoo KM 18 monooli ya Kalkfeld.

Ololi yo Scania okwali tayizi kombinga ya Otjiwarongo,omanga o Volvo kwali ya thinda kombinga onkwawo.

Ololi yo Volvo okwali yina aafalelwa yatatu,mwa kwatelwa Jao.

Ooluhupe yaali,yomimvo 18 no 20 oya pangwa koshipangelo sha Otjiwarongo,shoyeehamekwa okapule kelume,noya lalekwa esiku olyo tuu ndyoka.