Etumo lyo ECOWAS mo Guniea Bissau inali pondolasha

O ECOWAS oyati otayi tsikile noonkambadhala dhoku enditha oonkundathana mo Guniea Bissau,sho etumo lyopombanda lya hulu ohela inaali pondolasha.

Osheendo sha kwatelwa komeho komupresident gwa Sierra Leone,osha tsakanene naaleli yopakwiita,mboka ya kwatako oonkondo dhoku lela oshiwike sha piti,nokwiindiila eshunepo lyelandulathano lyopakotampango,noku shuna oshilongo kepangelo lyoshigwana.

Onzonkundana yo Africa news oya lopota kutya aaleli yopakwiita oyiindiike omahololomadhiladhilo nomakanka,tayati eumbeko lyepangelo olya ningwa oku shuna engungumano negameno moshilongo,

Nolya tulapo epangelo lyopakathimbo nokuulika o cabinet okape.

O ECOWAS oya kuthamo Guniea Bissau momalutu agehe goku ninga omatokolo,noya pula opo omupresitend uumbwa koshipundi a shunwe koshipundi,ngoka a tauka oshilongo sho kwali eedhililwa.

Iigwana ya hangana nayo oya kondema eumbeko lyepangelo koshipundi,nokwiindiila emangululo lyaaleli yopapolitika mboka yeedhililwa,sho oshilongo sha tegelelela iizemo yomahogololo ga ningwa omwedhi gwa piti.

Guniea Bissau okwa kala a taalela omaumbeko gepangelo koshipundi okuza sho a mono emanguluko mo 1974.