Omalelo eameno mo Nigeria okwati ounona ovo vafadukiwapo navo okudja mofikola ya Catholic, ota vakala vaalulwa meni lefimbo lixupi

Omalelo enasha neameno mo Nigeria okwati ounona vofikola omafele ovo vafadukiwapo navo okudja mofikola yongeleka ya  Catholic ota vakala vaalukila kovapambele vavo meni lefimbo lixupi.

Ounona vofikola vedulife po 300 opamwe no valongi vavo,  ovafadukilwepo navo komalume elihomateka oifufuta, konima eshi aponokela ofikola yongelaka yo St Mary, ta i hangwa monooli yondingandinga ya Nigeria mo 21 November.

Omupopiliko woshikondo shetanga leameno  moshilongo Nuhu Ribadu,  pefimbo aya meenghundafana newiliko lo pombada lofikola taihangwa modoropa ya Kontagora moshitopolwa sha Niger,  talombwele oikundaneki kutya, ounona oveli monghalo ili nawa no tava kala vaalulilwa komaumbo avo meni lefimbo lixupi osho tati ota shiningwa momukalo una eameno.

Nande ongaho omunambelewa ina yandja ouyelele wa wedwapo kombinga yaapo pena ounona.

Picture: Contributed