Uuministeli wiilonga niiyenditho owuna ethaneko opo iiyenditho yopaumwene noyoshigwana yi kale yina uufano

Oku yamuukula keindjipalo lyiiponga yomoondjila moshilongo ashihe,ominista yiilonga niiyenditho Veikko Nekundi okwa tseyitha oompangela oku ninga uufano moohauto oshinima tashi dhengele miiyenditho yoshigwana noyopaumwene.

Petrus Amutenya go NewsOnOne okwa lopota kutya uuministeli owati etokolo ndika olili onkatu yoku nkondopeka egameno lyomomoondjila, naahingi yiiyenditho ya yamukule koonkatu dhawo.

Minister tati kohi section 421B yo Road Traffic and Transport Act,omalelo otaga vulu ga kuthepo o license ngele omuntu okwa talikako a nika oshiponga koshigwana.

Tati uufano womoohauto otau ka gandja uumbangi oku tothamo oku hinga nuuhasha,nokushi ningitha oshipu komalelo gooveta ga kuthe onkatu.

Nekundi ta dhenge omuthindo kutya osheetwapo itashi lalakanene ashike oku teya omukumo omaihumbato inaaga opala,ashike oku yambidhidha oku hinga noshisho,noku pa omahangano gooveta iilongitho yoku tula miilonga ooveta dhoomondjila .

Tati uuministeli otau ka tameka noonkundathana dhoshigwana nomapulapulo goshigwana ongula,noku konga omagwedhelepo okuza koshigwana ,komahangano goshigwana,naahingi yiiyenditho.