Omupresident Netumbo Nandi Ndaitwah okwa pandula aa Namibia sho ya hogolola ongundu yo SWAPO okuyi shuna koshipundi miitopolwa mbyoka kwali ya kanitha

Omupresident Netumbo Nandi Ndaitwah okwa pandula aa Namibia sho ya hogolola ongundu yo SWAPO okuyi shuna koshipundi miitopolwa mbyoka kwali ya kanitha ,sha landula omahogololo gomalelo goondoolopa niikandjohogololo ga ningwa mu November.

Ta popi koshigongi shahugunina shongundu mutima yo SWAPO  molyomakaya,omupresident okwati ongundu yo SWAPO ngaashingeyi ohayi kondolola iitopolwa 13 yomiitopolwa 14 yoshilongo ,noya mona wo iipundi oyindji mo Windhoek.

Ta kwatakanitha iizemo kuukumwe niilonga iinankondo,ashike okwa londodha kutya aahogololi ngaashingeyi oya tegelela egandjo lyomayakulo lya nawapala.

Omupresident tiindiile aaleli opo yuulikwa ya tale kegandjo lyomagumbo,eetepo lyoompito dhiilonga,enkondopeko lyaagundjuka,nomayakulo gopetameko,,ta dhenge omuthindo oya hogololwa ya yakule.