Ominista yomidhingoloko,omakuti nomapashiyono Indileni Daniel okwa tamekitha pambelewa o Namibia Convention Bureau mo Windhoek ongula yonena

Ominista yomidhingoloko,omakuti nomapashiyono Indileni Daniel okwa tamekitha pambelewa o Namibia Convention Bureau mo Windhoek ongula yonena,nekuthombinga okuza mo Namibia Investment Promotion and development Board,uuministeli womauyelele,o Namibia Tourism Board,oshowo aanipambuliko okuza moshikondo shopaumwene.

O Convention Bureau oyeetwapo sho ya ziminwa mo 2023 okuyambulapo oshikondo sha Namibia shomapashiyono,paku yela oshilongo onga uuthikilo woongeshefa dhomapashiyono.

Pethimbo lyetamekitho ,minister Daniel okwati o Bureau oya kalelapo omahogololo gomilandu oku tungulula oshikondo shomapashiyono konima yetukuko lyo COVID 19,noku tula oshilongo ponkatu yoku kala omudhani nkandangala thigathani miigongi yopashigwana nomitumba.

O Bureau otayi yambidhidha o 2025-2035 National Spatial Tourism Master Plan ,nethaneko lyepangelo lyoku etapo iilonga ngaashi shili mo NDP6 oku etapo iilonga 500 000 miikondo iinene.

Namibia nuumvo,okuunganeka iigongi niituthi yopangeshefa yili 22 noku kutha ombinga meliko lyoshilongo  noodola oomilion dha kodna 23 ,nakehe oshiithaanene sheetapo iilonga yuukilila ya konda 20 no 40 shaali paukililo.