Ehangano lyuundjolowele muuyuni omandaaha olya gandja oodola oomilion 2.1 okuyambidhidha oshikonga shotuntila yo Polio ko Rundu

Oshikonga yamukulo sho polio osha tamekithwa miitopolwa iyali ya Kavango,nokwa tegelelwa shiye sigo o 18 omwedhi nguka,ano ongula. O News OnOne oya lopota kutya uuministeli wuuhaku owa tameke noku gandja o Novel oral polio Vaccine type 2,oku kaleka etaaandelo ,noku keelela omatukuko go type2 poliovirus. Kamusela gwa Rundu yomoondoolopa Stephanus Sinonge okwati ombuto ohayi kwata unene aanona yokohi yoomvula 10,inaashi tala kondjokonona yawo yoku tuntilwa. Ta popi peha lyomukuluntu gwehangano lyo WHO mo Namibia Dr Richard Banda,omunambelewa gopolohalama yuuhaku mo WHO Rosalia de Wee okwati epondolo oku kondjitha o polio muuyuni olya dhidhilikwa okuza mo 1988 ,sha landula sho pwa tulwa okatokolitho ko Polio eradication ko World health Assembly. ashike ehulithepo lyombuto lyuudha onkee itaali adhike ngele omukithi oguli moshilongo shontumba.