Oshiketha sho Enviromental Fund of Namibia ohela osha tseyitha sha zimina ekwatho lyoshimaliwa shoodola oomilion 3.7 shomumvo shimaliwa go 2025-2026

Oshiketha sho Enviromental Fund of Namibia ohela osha tseyitha sha zimina ekwatho lyoshimaliwa shoodola oomilion 3.7 shomumvo shimaliwa go 2025-2026,noku gandja uuwanawa koopololeka miikondo lalakenenwa yoshilongo.

Omupopiliko goshiketha Romeo Muyunda momushangwa okwati oshimaliwa osha kwatelamo iiyetwapo 8 tayi kwatelwa komeho kaagundjuka,no 11 tayi kwatelwa komeho kaakiintu,noku dhenga omuthindo eitulemo lyoshiketha kekwatelemo,uuthikepamwe wuukashikekokantu,nenkondopeko lyaagundjuka moompito dhoku pewa oshimaliwa.

Oopololeka dha pewa eyambidhidho odha kwatelamo 12 oompe,no 14 oonkulu,adhihe tadhi lalakanene oku nkondopeka uuhupilo,noku yambulepo eyamukulo lyiilanduli yonkalo yombepo,noku yela ookuungaunga nawa noonzo.

Iiyetwapo otayi yambidhidha wo uunangeshefa wunasha nuunshitwe,tadhi endele pamwe nehumokomeho tali kalapo,nomalalakano goku ilongekidhila onkalo yombepo.

Muyunda tati wo oshiketha oshiikalekela oodola oomilion 5 kohi yo Institutional Grants Facility momumvo shimaliwa nguka,noshikumungu hogololo shili metifa ,sigo egandjo lyuudha lyaadhika,nokuza mpoka mboka ya hogolollwa taaka tseyithwa.