Omangu ya yandja ehandukilo kovakwashiwana veli 10 ovo vaula omunyekadi woshilongo sha France, kutya okwa dalelwe eli omulumenhu

Omangu mo  Paris, nena oya mona etimba movanhu vefike po 10, eshi tava pewa ombedi omolwo olushindo oku pitila komalungula opaungoba shalandula eshi vali vaula no ku tandavelifa omitotolombo kombinga yomunyekadi woshilongo sha   France Brigitte Macron,  kutya okwa dalwelwe eli  omulumenhu.

Omangu taiyandje oushima no kuyandja omahandukilo eehani dili 8 modolongo kovatamanekwa eshi vatandavelifa omitotolombo.

Shelikwatelela kolopota yoshikundaneki sho AFP, oshati omangu oyati omapoyo okuli taashundula no kaena oushili no kulilepo okunyateka oshoyo oku kwatelela nongilishe edina lomunyekadi wo tete woshilongo.

Mokati kovatamanekwa omwa kwatelwa ovalumenhu veli 8 oshoyo ovakainhu veli 2 veli pokati komido 41 no 65 no tava pewa oshima woku popya kutya omukulukadi wo muPresident Emmanuel Macron  okwa dalelwe omulumenhu  oshoyo natango kutya elihombolo lavo kalali lili payuuki molwaasho yee okuna omido dihapu komushamane pena omwaka womido difike po 24.

Nande ongaho ota kulopotwa Brigitte Macron, ina kufa ombinga mepwilikino letokolo lomangu olo laliko oule womafiku eli 2 mu October 2025.

Tapopi koradio yomudidimbe yo  TF1 onghela Brigitte okwati etokolo lomangu olili oshiholelwa shiwa kwaavo hava ningile vakwao omalushindo.

Picture:Contributed