NamPower ayandja eebursaries dili 15 kovalihongi ovaNamibia

Ehangano lo ku yandja omayakulo eenghono dolusheno moshilongo NamPower ola yandja oshali shee  bursaries  dokulihongifa kovalongwa vefike po 15.

Ee bursaries dayandjwa odongushu yoshimaliwa shee N$12 million no tadika yambidida ovalongwa ovo tavekelihongela omaifano ayooloka moiputudilo taihangwa moshilongo oshoyo moilyolongo yo SADC.

Olopota oya ulika kutya oshikondo sha Nampower shokuyandja ee bursary, oshakala noku shininga moule womido didulife po 26 oku yambidida ovalihongi ovaNamibia omafele no mafele no kulikola ounongo momaifano avo ayooloka navahapu vomuvo paife oveli ovaleli vayooloka peenghatu dopombada.

Mokati kaavo vakala no kumona ouwa omwa kwatelwa ovalumenhu no vakainhu oshoyo ovo vena omaulema momaifano ngaashi engineering, Oikwanghono, oikwaveta, accounting, oku tumbulapo ashike imwepo.

Oo eli omunambelewa omukulunhu mehangano lo  NamPower Kahenge Haulofu, okwatwa omukumo ovalihongi aveshe ovo vamona omauwa vakakale oshilimbo shiwa  ku Namibia oshoyo kehangano lo NamPower.

Ovalongwa vamona ouwa navo ova ulika olupandu lavo tavapopi nghene eyambidido loshimaliwa ta li ka kwafela no ku kandulapo omashongo opashimaliwa, no vaudaneka taa kalonga noudiinini opo vaka tungepo omayambulepo oshilongo