President Dr. Netumbo Nandi-Ndaitwah, okwali umwe womwaavo vali vaka findikila nakufya   Mathias Kanana Hishoono keumo laye laxuuninwa olomakaya

Nakufya Hishoono oo ali afindikilwa kengungo lovalilanghali omafele no mafele, okwa holekwa pomaendo omapendafule oo tahangwa momudingonoko waEenhana moshitopolwa Ohangwena.

Moshipopiwa shomuleli woshilongo Netumbo Nandi Ndaitwah,  okwa tongomona Hishoono ali umwe womeengudi dakula odo dali dakokolapo ongudu yo SWAPO no kwemuhokolola ali epandafule loshili olo la kondjelele Namibia adule okumanguluka.

Okwati Hishoono oye umwe oo ali eliyandjela oshilongo shaye pefimbo oshilongo shali ina shimanguluka naashi oshilongo shamanguluka okwa twikila no ku yandja  omomayakulo ayooka ngaashi ali omuyandjimayele komupresident wotete woshilongo Sam Nujoma oshoyo komupresident kwali  tatekulu  Hifikepunye Pohamba, aulika  ewiliko liwa onga mwene womukunda  Onambutu, oshoyo natango oku kwafela noku yandja ounongo waye kewiliko longudu yo Swapo.

President taulike olupandu moilonga yelitulemo aishe oya yaetwapo ku Hishoono, osho tati oshili oshiholelwa shiwa osho afiila oshiwana ta shidulu oku longifwa nokomapupi taekeya.

President tayandje omahekeleko aye kovapambele va   Hishoono noshiwana ashishe.

Hishoono oo aningilwa efudiko lopapangelo ngashi shili elombwelo lomupresident, okwa manene oweenda waye mo 14 January axulifa  mepipi lomido 89.