Omuprofeti moZimbabwe Walter Magaya, okwa mangwapo vali

Omupiya wOmwene ashiivika nawa mo Zimbabwe Walter Magaya,  onghela okwa lopotwa akwatululwapo vali konima ashike eshi opo ahangwa aholoka komesho yomangu ya magistrate mo Harare.

Magaya okwa holoka komesho yomangu onghela shinasha noibofa yekwato keenghono ili 4 oyo akala ataalela oulefimbo.

Oshibofa shaye osha undulilwa kohani March, oko kwa teelelika shikakale sha udika momangu yopombada.

Otakulopotwa pefimbo aholoka onghela epangulo ina lidula oku pula komesho konima eshi omangu yashiivifilwa kutya umwe womoonakuningwa oshihakanwa kemo moshilongo okuli ko Ireland, noinadula oku lidenga olweendo okuuya ko Zimbabwe,  osho sha talika sha etififwa kounghundi womakwatafano ina elixwapo.

Oo eli omunaveta wa Magaya, Admire Rubaya talombwele oikundanei kutya nakuningwa oshihakwanwa mukwao vali umwe yee okwa ulika ahala oku kupulashi no ku likufamo moshibofa.

Nande ongaho opolifi yoshilongo osho ina iyelifa kutya oshike shifininika ikwatululepo vali Magaya.

Magaya okwa tulilwe moipandeko omolwo omatamaneko omakwato keenghono  nekengelelo omudo wadjako pexulilo, omo oikundaneki taipopi kutya umwe womoonakuningwa oihakanwa okuli meteelelo.

omuprofeti Magaya, ota kala manga mondjeidililo fiyo osheshi taka holoka vali komesho yomangu mo 16 February.

Omunaveta waye okwati ota ka tululamo  eindilo opo akale apewa omito yokulifutilamo.