Onkandangala ya China onga omugandji omunene gomakwatho gopashimaliwa kiilongo tayi putuka otayi lunduluka

 

Picture (contributed by African Liberty online)

 

Onkandangala ya China onga omugandji omunene gomakwatho gopashimaliwa kiilongo tayi putuka otayi lunduluka ,nomikuli omipe tadhi gu pevi noonkondo,omanga eshunitho lyomikuli tali tsikile oku londa.

Shika oshiikwatelela kenongonono epe lya pitithwa ko One Data.

Olopota oyuulike kutya iilongo oyindji yiiyemo yili pevi noyopokati,unene mu Africa,otayi futu ngaashingeyi oshimaliwa oshindji ku China, oku shunitha oongunga dhawo shi vulithe poku pewa omukuli omipe.

Shika oshili elunduluko enene okuza pomimvo 10 dha piti,sho China kwali ta yambidhidha pashimaliwa oopololeka dhomahumokomeho.

Omukuluntu go One Data David McNair okwati okwaaha thike pamwe otaku nanwa koku hehela kwa piti.

Tati Omanga omikuli omipe tadhizi ku China,oongunga dhoku yele onkee dha pumbwa oku futwa,noku etitha ethindakano lyopashimaliwa kiilongo ya hepa.

Na Africa okwa dhengwa unene .

Pokati komumvo 2015-2019,enenevi okwali lya dhidhilika einyengo lyoshimaliwa shoodola oobilion dha America 30,ashike okuza mo 2022 sigo 2024,oshimaliwa shoodola oobilion 22 osha za mu Africa.