Omunambelewa kuluntu go Kalkrand Village Council Jan Herero okwa holola okwaahwa ganenwa noshimaliwa  shoondjila sha pewa elelo lyomukunda ko Road Fund Administration,tati inashi gwana oku gwanithapo oompumbwe dhoondjila melelo lomukunda

Moonkundathana no Nampa,Herero okwati elelo lyomukunda kehe omumvo ohali  gongele o budget ndjoka lya thaneka ko RFA,ashike ohali pewa oshishona shi vulithe pwaashoka lya pula,noku thiminikwa li tetule iilonga ndyoka lya thaneka.

Tati momumvo shimaliwa go 2025-2026 okwali ya pula oodola oomilion 1.5,ashike oya pewa ashike odoola 925.000.

Tati oshimaliwa shoka oshishona noonkondo.

Ta yamukula komaipulo gomukuluntu wiliki gwelelo lyomukunda,omunambelewa kuluntu go RFA Ali Ipinge okwati iimaliwa hayi pewa omalelo goondoolope nenge gomikunda mwa kwatelwa o Kalkrand Village ohashi gandjwa okupitila moshikumungu shili pauyuku noshiiwetikile.

Ta fatulula kutya o RFA ohayi tala kiinima ngaashi oonkalo dhoondjila,iilonga ya thanekwa noku vula kwawo oku longitha oshimaliwa shoka sha gandjwa.