Omupresident gwa Gabon Brice Oligui Nguema okwa taalela ekuthikuthi lye lyotango lyomakuyunguto gopankalathano,naalongiskola naanilonga yalwe yepangelo taya mbandameke okuya mekanka

Konima sho a hogololwa ethimbo lya thika pomumvo 1,omupresident gwa Gabon Brice Oligui Nguema okwa taalela ekuthikuthi lye lyotango lyomakuyunguto gopankalathano,naalongiskola naanilonga yalwe yepangelo taya mbandameke okuya mekanka.

Onkatu yahugunina yaalongiskola oya ningilwe mo 2022 kohi yomupresident Ali Bongo,ngoka aakwapata ye ya lela  oshilongo omimvo dhili 55.

Oligui okuumbu Bongo koshipundi okupitile metanga lyopakwiita ,nokwa yamukula komaipulo gamwe gaalongiskola,ta landa engungumano pethimbo lyepangelo lye lyuule woomvula mbali,ndyoka lyeetitha omahogololo guupresident mu April 2025.

Ta sindana omahogololo nomawi ogendji,noku etitha iitegelelwa yili pombanda nomauvaneko kutya otaka lundulula oshilongo, noku nawapaleka oondondo dhuuhupilo.

Aalongiskola oya tameke nekanka omolwa oondjambi noonkalo dhiilonga mu December ,nomahohololo madhiladhilo ga faathana ogiihaneene kiikondo yilwe yepangelo,shuuhaku,elongo lyopombanda nehangano lyoku tuma omawi mombepo.

Onzonkundana yo AFP oya lopota kutya osheetithi oshinene shomakemo gaalongiskola oku freeze oondjambi hoka kwa tulwapo kepangelo lya Bongo omimvo 10 dhaka pita.