Aalongithi yompangu naakwashigwana taya nyenyeta ompumbwe yaatoloki yelaka lyOtjiherero noshi Nama/Damara kompangu ya Opuwo

 

Ombelewa yo Judiciary oya yelitha nkene aatoloki yomalaka omavalelwamo haya topolelwa koompangu,sha landula omaipulo gokwaahena aatoloki yelaka lyOtjiherero noshi Damara-Nama kompangu ya Mangistrata gwa Opuwo.

Omupevi kuluntu gwiipambele yoshigwana mombelewa yo Judiciary Viktoria Hango okwa lombwele o Nampa meyamukulo lyiikundaneki kutya omutholomo gongaashingeyi go Judiciary ogwa taalela omashongo moku shilipaleka kutya omalaka ahege omavalelwamo oga kalelwapo kukehe ompangu.

Ta fatulula kutya aatoloki ohaya tuminwa koompangu shiikwatelela kwaampoka dha gama ,oshowo omalaka omanene ngoka haga popiwa mukehe oshitopolwa.

Ta gwedhako kutya ombelewa yo judiciary inayi dhidhilika endumbalalo lyiipotha yoompangu yeetithwa kompumwe yaatoloki.

Eyelitho olya landula omaipulo ga hololwa kaalongithi yompangu naakwashigwana,sho pwaahena omayakulo gomutoloki gOtjiherero noshi Nama-Damara kompangu ya Mangistrata gwa Opuwo,ndjoka hayi yakula iigwana moshitopolwa Kunene.