CAF ayandja ehandukilo ku Senegal na Morocco, omolwo omalihumbato mayi pefimbo loudano wavo waxuuninwa wekopi lo AFCON 2025

Ongongahangano yokatanga kokeemadi mu Africa (CAF) okwa lopotwa ya yandja ehandukilo lakindja ku   Senegal na Morocco konima yoku haudafana oko kwali kwa tukuka pefimbo loudano wavo waxuuninwa wekopi loiwana ya Africa AFCON 2025.

Senegal, oo adengamo  Morocco 1–0 okudja po extra time,  okwa monika odjo eshi atalika kutya okwaya pomunghulo omilandu doudano.

CAF oya yandja ehandukilo ku couach wa  Senegal  Pape Bouna Thiaw  ahakufe ombinga momaudano eli 5 elilandula o CAF, no kwa pulwa yoo akale afuta oshimaliwa shee   USD 100,000.

Ovadanauki vavali va Senegal  Iliman Ndiaye oshoyo Ismaïla Sarr, navo ova tulilwapo eendjidikila vahakufe ombinga momaudano opavali CAF molwo malihumbato mayi.

Ehangano lokatanga kokeemadi mo Senegal, nalo ola pewa  ehandukilo lokufutifwa oshimaliwa shidulife   USD 600,000 omolwo omalihumbato mayi oo kwatelamo ovadanuki, ovanambelewa oshoyo ovayambididi.

Lwopokati opo enyakwa la Morocco defender Achraf Hakimi naye okwa pewa eendjidikila do ku hakufa ombinga momaudano eli 2 elilandula, omanga omudanauki wo midfielder Ismaël Saibari, naye atulilwapo eendjidikila do ku hakufa ombinga momaudano opa 3 no kufutifwa oshimaliwa shee  USD 100,000.

Ehangano loudano wokatanga kokeemadi la Morocco nalo ola pewa ehandukilo oku futififwa  oshimaliwa shee  USD 315,000 omolwo omapiyaneko oo ali pokapale aetififwa kovayambididi velipumamumwe no vanambelewa.

Lwopokati opo ehangano lo CAF ole shikoleka kutya  ehololomadilaadilo la Morocco, tapula opo Senegal akufwe oshishani shefindano lekopi lo AFCON ina litambulwako ko CAF, osho tashiti Senegal oye eli omufindani wekopi lo AFCON 2025.