Ominista yomauyelele nomakwatathano gopaungomba Emma Teofelus ohela okwa talelepo endiki lyo Okanguati Rural ICT moshitopolwa Kunen

 

Efano(MICT via Facebook)

Ominista yomauyelele nomakwatathano gopaungomba Emma Teofelus ohela okwa talelepo endiki lyo Okanguati Rural ICT moshitopolwa Kunene onga oshitopolwa shoonkambadhala dhepangelo oku tanununamo omakwatathano gopaungomba neyambulepo lyomakwatathano moshigwana shomuushayi.

Etalelepo olya landula eindilo ku ngoloneya gwa Kunene Vikapuaje Muharukua na kamusela gwa Epupa Tjimutambo Kuuoko,sho minister a kutheko ewiliko lyopashitopolwa kiilalakanenwa yepangelo oku nawapaleka ekwatakanitho noku nkondopeka omayakulo gomauyelele nomakwatathano gopaungomba muushayi.

Pethimbo lyetalelepo,minister nosheendo she oya talelepo endiki lya thanekwa lyomauyelele nomakwatathano gopaungomba ,noku ninga omapekapeko pehala oku tothamo iipumbiwa mbyoka ya pumbiwa oku shilipaleka kutya endiki olya tameka oku longa.

Endiki okwa tegelelwa lyeeguluke kuyele nuumvo,notali lalakanene oku yambulapo ompito yoku mona omayakulo gopaungomba,oompito dhoku ilonga paungomba nomayakulo gopaungomba gepangelo kaakalimo yomo Okanguati oshowo oshigwana shopomudhingoloko.