Ngoloneya go Bank of Namibia Ebson Uanguta newiliko lyopombanda ohela oya tsakanene nosheendo okuza ko World Bank Group

 

Efano(BON via Facebook)

 

Ngoloneya go Bank of Namibia Ebson Uanguta newiliko lyopombanda ohela oya tsakanene nosheendo okuza ko World Bank Group,mwa kwatelwa o International Finance Corporation ,sha kwatelwa komeho ku Satu Kakhonen,o Country Director ya South africa,Bostwana,Namibia ,Lesotho na Eswatini, okwiikunda iilakanenwa yombaanga niikondo yelongelokumwe.

Ngoloneya ta topola iilalakanenwa yombaanga omumvo komeho,moka a holola oonkambadhala dhoku nkondopeka uukalipo woshiputudhilo uulethimbo,noku ilongekidha okuyambidhidha elundulukilo lya Namibia meliko epe,noku tsikila oku kalekapo engungumano lyoondando nolyopashimaliwa.

Ta tothamo wo elalakano okutula ombaanga ponkatu yoku yamukula koompito dhoka tadhi holoka,mwa kwatelwa omahumokomeho moshikondo shomuku nomahooli.

Oonkundathana odha tala wo kiikondo yeyambidhidho,mwa kwatelwa ekondopeko lyaantu nombaanga,eyambulepo lyowino,elongitho lyoshimaliwa noshisho,elunduluko lyonkalo yombepo nuukalipo momulandu gopashimaliwa neyambidhidho tulomiilonga kohi yo National Financial sector Transformation Strategy.

O World Bank Group tayi taambako uukumwe wuna oonkondo pokati kiiputudhilo yopaali ,noku koleka eitulemo oku yambidhidha Namibia oku pitila menkondopeko lyombaanga oku kalekapo iilonga yalyo.