Ondoolopa ya Okahao oya taalela epato lyomeya okuza nena sigo ongula

Ehangano lyo Namwater olya tseyithile ondoolopa ya Okahao moshitopolwa Omusati kutya otayi ka taalela epato lyomeya omasiku geli gaali,opo ompungulilo yokohi yevi yuudhithwe omeya.

Epiyaganeko okwa tegelelwa li kwate oowili 24-48 nena sigo ongula okuza potundi onti 05h00-00h00.

Momushangwa gwiikundaneki gwa pitithwa omandaaha,omukuluntu gwiipambele yoshigwana mo Namwater Lot Ndamanomhata okwati elalakano lyoku pata omeya oku nawapaleka eandjaganeko lyomeya momudhingoloko.

Ta holola wo kutya iitopolwa ya gumwa omwa kwatelwa wo o Tsandi nomukunda Oshuukwa,nokwiindiile iiputudhilo ngaashi iipangelo,ooskola,uu clinic niitasi yopolisi ya taalela epato lyomeya,ya kwatathane naakalelipo yehangano opo ya kwathelwe.