Ehangano lyokankela moshilongo olyiimanga kumwe no Union for International Cancer Control, nookuume kopauyuni oku holola nkene oshinano  nuupyakadhi wopashimaliwa tayi tsikile okuya moshipala etakamitho lyokankela pethimbo

Etseyitho lya topolwa kehangano lyokankela ohela momushangwa gwiikundaneki olyeya pethimbo lyoku dhimbulukwa esiku lyokankela muuyuni nena ,mu 4 February.

Omukuluntu wiliki gwehangano lyokankela moshilongo Rolf Hansen okwati ompito oku monikilapo kuyele noku monika kuli mondjila onkee ya dhigupala muushayi nomoondoolopa.

Tati omayakulo ga huma gokankela ogeli unene moondoolopa oonene,naavu ya pumbwa okweenda oshinano shoo KM odhindji okuya ko Windhoek yaka pangwe.

Ta dhenge omuthindo kutya oku monika kuyele nopethimbo muushayi onkee shili eshongo.

Ehangano lyokankela moshilongo tali tseyitha kutya otali ka patulula noku gandja o Walvis Bay Oncology centre koshipangelo sha Ombaye kuuministeli wuuhaku omandaaha mo 23 February.

Opololeka oyaadhika okupitila meyambidhidho lyo Langer Heinrich Uranium,muukumwe no CAN.

Omanga natango o CAN tayi ka patulula o Palliative Care Namibia-Erongo Centre ko Swakopmund mo 20 February,noku tanunamo eyambidhidho kaavu naapambele yawo moshitopolwa.

Esiku lyo World Cancer day ohali dhimbulukiwa kehe omumvo mu 4 February kohi yewiliko lyo International Cancer Control.

Osheetwapo shika shopauyuni otashi lalakanene okugandja enongelo kombinga yiiponga yokankela ,noku yela onkatu kekeelelo,oku monika kuyele,noku nawapaleka iizemo yepango ,oku pitila miikonga eenditho noku kwatelamo oshigwana muuyuni.