Elongifo lomaano eengala doimaliwa lakelelwa moKenya, pefimbo oshiwana sha taalela oku kadana efiku lo valentine

Ombaanga yoshilongo mo Kenya oya yandja elombwelo nekunghililo po kuhalongifwe omukalo weengala doimaliwa odo hadi yandjwa onga omaano kovaholafani unene pefimbo eli twa taalela efiku lo valentine day.

Elombwelo lapitifwa kombaanga yoshilongo osho, olati keshe oo taka monika atauluka omango nelombwelo okuna oku taalela ehandukilo lodolongo.

Omukalo weyandjo leengala dina oimaliwa owa kala wadidilikwa haudana onghandangala unene koohandimweovo veshiike nawa oku pitila komalungula.

Ombaanga taiyelifa  nghene ita ipopile eshi  omukalo haulongifwa oinatekifo oyo haitonyififa oimaliwa, shili enyanauno lakula loimaliwa yoshilongo no hashi ka kala shidjuu oku tulwa momashina ee mbaanga ATMs oshoyo oku valula oimaliwa no mashina.

Ombaanga oya pula opo oshiwana shilongife omukalo umwe ulili woku yandja omaano oimaliwa ita shiningwa momukalo weengala doimaliwa.

Kenya hasho ashike oshilongo sha Africa sha kelela omukalo oo, nomukalo owa talika wakelelwa oku longifwa yoo moilongo ngaashi  Nigeria  oshoyo  Ghana