President Netumbo Nandi-Ndaitwah apula oilyo yoparliament iyeeke omayooloko ayo opapolitika no ku longela oshiwana

Omupresident wa Namibia Netumbo Nandi-Ndaitwah  onghela okwa ulika eudonawa laye nelinekelo ko lutu loku tota eeveta moshilongo lika etapo oidjemo iliwetikile momudo woneudo , nonande lakala la taalela omashongo nenghundipalo moinakuwanifwa yalo omudo wadileko.

Edi omutwe woshilongo owe dipopya onghela pefimbo tayeulula omutumba wopashiwana omu 8 no kwa pula ovatotiveta valongele kumwe mouwa woshiwana sha Namibia, te vakumaida vayeeke manga omayooloko avo opapolitika opo shihaye moshipala eyokomesho laasho tashi etwapo.

Omutumba wopashiwana omudo wadileko ota kulopotwa wali watula poshitaafula oikundafanwa ili 9, ashike ivali ashike yomuyo oyo yali yapondolwa oku pitifwa.

Oikundafanwa ya yooloka okwa teelelika ikaalulilwe meumbo lomutumba wopashiwana oyo ya kwatelamo oveta inasha nomawiliko omalelo opaitopolwa, oveta yedu oshoyo oveta inasha no inyangadalwa yewiliko lopashiwana.

Omupresident tayelifa nghene pena elodwelo olo laetwapo linasha noikundafanwa imwepo osho sha kwatelamo oshikundafanwa shoveta yovavaluli, oshikundafwanwa shoishoshela yokongulu oshoyo oveta oyo inasha nelafululo oshoyo oilongomwa yomahooli.

Okwati nonande atala kutya ota shidulika oikundafanwa imwe i ka kale omito iwa kovanapolitika vamwepo momutumba wopashiwana oku landa oipala,  tashipitile meemata ashike omuleli wa Namibia okwa dimbulukifa oilyo yomutumba nghene oshiwana sha Namibia sha hala oku mona etulomoilonga loikundafanwa oyo tailalakanene oku kandulapo omashongo ataalela oshiwana.