Elelo lyoshitopolwa sha Hardap metitatu olyeegulula pambelewa oshigongiilonga sho Regional Disaster Risk Management Workshop mo Rehoboth

Elelo lyoshitopolwa sha Hardap metitatu olyeegulula pambelewa oshigongiilonga sho Regional Disaster Risk Management Workshop mo Rehoboth,tashi lalakanene oku  nongonona noku nawapaleka o Regional Multi-Hazard Disaster Risk Management Plan.

Oshigongiilonga sha tameke mu 4-13 omwedhi nguka otashi kongo oku nkondopeka omilandu dhomailongekidho giiponga inaayi tegelelwa,okuyi ya moshipala,oku yi yamukula, netungululo, oku shilipaleka kutya oshitopolwa osha pyakudhukilwa iiponga mbyoka inaayi tegelelwa.

Ngoloneya goshitopolwa Riaan McNab okwa dhenge omuthindo esimano lyelongelokumwe neenditho mokuungaunga niiponga inaayi tegelelwa,teshi hokolola onga oshinakugwanitha tashi topolwa, shoka sha pumbwa ekwatelemo lyiikondo ayihe.

Ngoloneya okwali ta popi peegululo lyo Regional Disaster Risk Management Committee,yeetwapo kohi yo  Disaster Risk Management Act of 2012.

Okomitiye oyina oshinakugwanithwa shoku gandja omayele ku ngoloneya noku enditha iinyangadhalwa yokuungaunga niiponga inaayi tegelelwa pandjele yopashitopolwa noyopashigwana.

Ngoloneya tiindiile iilyo yokomitiye yi tule mumwe omathaneko giiponga inaayi tegelelwa miikumungu thaneko yopashitopolwa noyopaikondo ,noku longa okwaadha oshitopolwa sha Hardap shina oonkondo.

Mayor gwa Rehoboth Jacky Khariseb okwati iiponga inaayi tegelelwa oya pumbwa eilongekidho,eenditho lina oonkondo ,nonkatu yomendeelelo.

Ta fatulula kutya oshigongiilonga otashi lakanene okweetapo eyamukulo tali longo lyo Regional Multi-Hazard Disaster Risk Management Plan.