Omukifi wo cancer koilyo yo koidalifi moomeme wadidilikwa wayuka pombada

Ovashiinawa moshikondo shouhaku ova ulika omalimbililo kombinga yomuvalu weelopota tadi ende no kuya pombada kombinga yovakainhu tavamonika oupyakadi womukifi wo cancer koilyo yokoidalifi.

Eelopota oda ulika kutya oupyakadi woku hatongolola diva omukifi moonakuningwa oihakanwa oshili tashiii moshipala enghendabala doku yandja  omakwafelo apumbiwa enasha neameno.

Tapopi moshongalele shoku yandja omapukululolongo osho shali shaningilwa moshilandopangelo mo Windhoek onghela, omushiivinawa moshikondo shouhaku  Dr Laina Iiyambo, okwati eelopota dokuyele ota duulike nghene ovanaudu haveya ashike oku konga omakwafelo ngenge omukifi weya ponghatu yaxuuninwa.

Okwati 40 per cent oda ulika kutya vahapu ovo veya koipangelo oveli nale ponghatu 3 yomukifi omanga ee 14 per cent odo ashike da didilikwa deya pehovelo lela.

Iiyambo tayelifa nghene shafimana oku tongololamo omukifi petaumeko hashiyandje omakwafelo ouhaku no kweshiyelifa nghene ovo hava tongololwa diva hava dulu oku velulwa filu.

Okwatwa omukumo ovanaudo vakale havayi manga pena efimbo tati oku teelela omukifi uye ponghatu yaxuuninwa oshili shanyika oshiponga oku yandja ekwafelo.