Aanilonga naagandji yiilonga moshitopowla Kavango west oyiindiile omulandu gwepotokonono lyiilonga guli pauyuki notagu monika

Aanilonga naagandji yiilonga moshitopowla Kavango west oyiindiile omulandu gwepotokonono lyiilonga guli pauyuki notagu monika, sho oonkundathana dhontotwaveta ya thanekwa yo Commission for Altenative Dispute Resolution Bill dha tameke mo Nkurenkuru metiyali.

Aanipambuliko oya tsakanene  oku tyakosha kontotwaveta,ndjoka tayi ka etapo komufala iithikamenapo kohi yuuministeli wiipambele yiilonga nuuyuki.

Kamusela Gabreil Tenga okwati Namibia okwa pumbwa omilandu dhoka tadhi yele oonkundathana peha lyoontamanana miinima yiimanga kiilonga.

Okomisi ya thanekwa okwa tegelelwa yi yele uukumwe nelongelokumwe pokati kaanilonga naagandji yiilonga,oku shonopeka omapiyaganeko komahala giilonga,noku tunga einekelo pokati kaanilonga naagandji yiilonga,shiikwatelela ku Tenga.

Tati omithilomo dhina oonkondo dhomahilathano otadhi vulu oku nawapalaka uuyuki komahala giilonga noku yambulapo iilonga.

Evelina Nambahu ,o director of Finance and administration melelo lyoshitopolwa Kavango west okwati epangelo olya kutha nale omatokolo ga simana,mwa kwatelwa okuzimina eetepo lyakomufala gwiilonga iithikamenapo, oku nkondopeka epotokonono lyomahilathano giilonga ko cabinet.