Olweetho olutiyali loshikonga shotuntila yo Polio osha tameke ohela

Oshikondo shuuhaku ohela osha tameke nolweetho olutiyali loshikonga shopashigwana shotuntila yo Polio ko Malinda,neindilo kaakwashigwana ayehe ya shilipaleke kutya aanona ayehe yeli kohi yomimvo 10 oya tuntilwa.

Ta popi petamekitho,Ngoloneya goshitopolwa Riaan McNab okwati aaleli oyena oshinakugwanithwa shoku gamena iigwana,unene aanona.

Tatia aanona oyo onakuyiwa yoshitopolwa shawo noshigwana,nuukalinawa wawo wuuhaku ouli oshilalakanenwa shawo shopombanda,

Ngoloneya tati opolio oyili omukithi guna omukwawu guli pombanda ,ngoka hagu etitha uulema womagulu nenge omaako,nomiipotha yimwe eso.

Ta nongele kutya omanga pwaahena epango lyo Polio,ohayi vulu oku keelelwa oku pitila mootuntila.

Ngoloneya ta pandula uuministeli wuuhaku nookume okweeta omayakulo gootuntila pooha noshigwana moshitopolwa.

Olweetho olutiyali nolwahugunina  lotuntila yo Polio olwa tameke ohela moshilongo ashihe,taluyi sigo 27 omwedhi ogo tuu nguka.