Uuministeli wuuhaku nonkalo nawa owati otawu nongonona egameno lyuututa woomeme mboka hawu longithwa unene, sha landula omapekapeko ga ningwa ko University of the Free State mo south africa

O NewsOnOne oya lopota kutya omapekapeko oga mono kutya uututa wa yooloka woomeme nuu pantyliners,mwa kwatelwa umwe mboka wa tseyithwa kutya kawuna ee chemicals otashi vulika wuna ee chemicals dhoka hadhi piyaganeke oo horomone dholutu .

Omapekapeko oga nongonona uututa womaludhi 16 oshowo uu pantyliners womaludhi gopa 8,noku mona mo iinima ngaashi o phthalates,bisphenols,mwa kwatelwa o BPA,no parabens, miilongomwa oyindji.

Ominista yuuhaku Dr Eperance Luvindao okwa koleke mopaalamende kutya uuministeli otawu nongonona omapekapeko ngoka,noku gandja eyamukulo ngele omakonakono ga manithwa.

Oshinima shoka osha hololwa koshilyo shopaalamende mongundu yo IPC Lilian Mutuhezi,ngoka a pula eyeleko kompito yoshilanduli kaalongithi aa Namibia.