Zimbabwe okwa zimo moonkundathana na America kompangela ompe tayi lalakanene oku pingenapo opolohalama yomakwatho ndjoka ya kuthwapo komupresident Donald Trump

Zimbabwe okwa zimo moonkundathana na America kompangela ompe tayi lalakanene oku pingenapo opolohalama yomakwatho ndjoka ya kuthwapo komupresident Donald Trump ,shiikwatelela ko embassy ya America mo Harare

America okwa tameke ta etapo omatsokumwe gomakwatho guuhaku mu Africa,sho Trump a kuthapo omakwatho guulethimbo gehangano lyo USAID noku shonopeka onkandangala yomahangano gaashi gopapangelo.

Onzonkundana yo AFP oya lopota kutya mboka yeli ompinge nasho oyati oompangela otadhi pe Washington ompito onene kuuyelele wuuhaku ,noku tula moshiponga elundulukilo lyekondololo lyomilandu dhoku yamukula komikithi okuza komalelo gopashigwana guuhaku.

O embassy oya koleke momushangwa metiyali kutya Zimbabwe okwa hulithapo oonkundathana.

Ambassodor Pamela Tremont tati oyiitaala kutya elongelokumwe ndika okwali tali vulu okugandja uuwanawa oundji koshigwana sha Zimbabwe unene aalumentu,aakiintu naanona ooomilion 1.2 mboka haya yakula epango lyo HIV oku pitila mopolohalama dha America.