Omupresident gwa Israel okuli mo Ethiopia netalelepo lyomasiku gaali

Omupresident gwa Ethiopia Taye Atske Selasie okwa taambako omupresident gwa Israel moshilongo,Isaack Herzog ,moonkundathana tadhi lalakanene oku nkondopeka uukumwe wopauna diplomate wopapolitika .

Herzog okuli metalelepo lyomasiku gaali mo Ethiopia,nokwa tsakanena wo na Prime minister Abiy Ahmed.

Onzonkundana yo Africa news oya lopota kutya etalelepo olyeya konima yiiwike sha landula sho Israel a talako Somaliland onga epangelo liithikamenapo.

Aatseyinawa oyati olweendo lomupresident gwa Israel oluli oshitopolwa shoonkambadhala dha Israel dhuuna diplomate mo Horn of Africa.

Nopena omafekelo kutya Herzog otaka konga eyambidhidho lya Ethiopia moshinima sha Somaliland,nonando kapena ekoleko lya gandjwa.

Pethimbo lyoonkundathana,Selasie okweendulula eyambidhidho lya Ethiopia lyeyamukulo lyomapangelo gopaali kiikolokosha ya Israel na Palestine.

Herzog ta tumbaleke wo oshigwana shaa Ethiopia aa Jewish mo Israel,nokushi hokolola onga ekwatathano pokati kiilongoo yopaali.