Omupresident Netumbo Nandi Ndaitwah ohela okwali a talelwapo kosheendo okuza mongundu yo Popular Democratic Movement

Omupresident Netumbo Nandi Ndaitwah ohela okwali a talelwapo kosheendo okuza mongundu yo Popular Democratic Movement,sha kwatelwa komeho komupresident gwayo McHenry Veenani kegumbo lyepangelo.

Ombelewa yomupresident iyati oshigongi oshiili oshitopolwa shomaitulemo gepangelo taga tsikile oku kuutumba noongundu adhihe dhoopolitika dha kalelwapo megumbo lyopashigwana sho tiilongekidhile okugandja epopitho lye lyopapangelo koshigwana.

Omupresident teendulula esimano lyoonkundathana tadhi kwatelemo mokati kaaleli yopashigwana oku nkondopeka uukumwe,okuyambulapo ehomokomeho,noku yamukula pamuhanga iipambele iinene ya guma aa Namibia.

Pethimbo lyoonkundathana Veenani okwa pandula ompito oku kala omutumba nomupresident noku taambako oonkatu dha kuthwa oku talako omitholomo dhewiliko lyopamithigululwakalo,ta holola  oshilanduli shaawo miigwana moshilongo ashihe.

Osheendo sho PDM osha holola wo iinima yopashigwana,mwa kwatelwa okwaahena iilonga mokati kaagundjuka,uunamapya,omatululo gevi,omakwatathano goondjila nomagumbo,noku holola epyakudhuko lyongundu okulonga okwaadha omayamukulo gehumokomeho lya Namibia tali tsikile.