Israel okwa tamekitha iiponokela iipe ku Iran ohela,noku etitha Iran a yamukule noo missiles,konima yesiku limwe sho omuleli gopombanda gwa Iran Ali Khamenei a dhipagwa

Israel okwa tamekitha iiponokela iipe ku Iran ohela,noku etitha Iran a yamukule noo missiles,konima yesiku limwe sho omuleli gopombanda gwa Iran Ali Khamenei a dhipagwa ,noku etitha omaipulo ogendji momalandithilo mo Middle east oshowo muuyuni.

Etanga lyopakwiita lya Israel olyati olya kondeka  iinima yuumbwaa okuza ko Lebanon,noku holola omaipulo kutya o Hezbollah,kuume kuulethimbo gwa Iran otashi vulika tayiyi miikolokosha.

Onzonkundana yo Reuters oya lopota kutya omupresident gwa America Donald Trump okwati iiponokela otayi lalakanene oku keelela Iran kaaka mone iilwitho yiikwalute ,a kaleke opolohalama ye yiikwalute,noku kuthapo oshiponga ku America nookuume ke.

Trump okuuvaneke onkatu yopakwiita tayi tsikile sigo omalalakano gaadhika,tati komanda gopakwiita gwa Iran nooskepa dhetanga lyomomeya 9 oya hanagulwapo.

Trump okwiindiile wo aa Iran yeegeke iilwitho nenge ya tinde epangelo lyawo,ta londodha edhipago lyaamboka taya tindi,omanga tuuvaneke egameno lyaamboka taya igandja.

Oshikonga otashi vulu oku kwata iiwike,ashike Iran okwa taalela omwaka yoonkondo,noku thiga oshitopolwa kolungenge.