Omuleli gompilameno gwa Venezuela Maria Corina Machado otaka galukila moshilongo methimbo efupi

Omuleli gompilameno gwa Venezuela Maria Corina Machado ohela okwati ota galukile moshilongo iiwike iishona yili komeho,sha landula sho a kala oomwedhi muupongekwa noku ya ko Oslo aka yakule epapa lye lyo Nobel Peace Prize.

Omunamimvo 58 okwati otaka galukila moshilongo shoka ngaashingeyi tashi lelwa komupresident gopakathimbo Delcy Rodriqueze sha landula iikonga ya America mbyoka yeetitha wo ekwatepo lyomupresident Nicolas Maduro oomwedhi mbali dha piti.

Omalelo ga Venezuela,shiikwatelela konzonkundana yo AFP ogati Machado okwa fadhukapo uuyuki nokumu pa ombedhi oku indila eidhopemo lyopakwiita moshilongo she.

Machado okwa kala mo America okuza sho a tauka oshilongo.

Mu Jan konima yiiwike iyali sho aakwiita ya America ya kwatapo Maduro nokumu fala ko New Yolk aka tamanekwe,oya tsakanene nomupresident Donald Trump mo White House noku pa epapa lye lyo Nobel Prize.