kehe oshitopolwa shoshilongo otashi ka pewa oodola 250 000 okuunganeka etyapulo lyemanguluko lyoshilongo

Nesiku lyemnguluko lyoshilongo tali tyapulilwa kiitopolwa ayihe 14 yoshilongo ,otwa popi nomupopiliko gwegumbo lyepangelo Jonas Mbambo,kunkene omatyapulo taga endithwa.

kehe oshitopolwa otashi ka pewa odoola 250 000 okuunganeka omatyapulo miitopolwa yawo.

Mbambo tati omupresident okwiitaala kutya emanguluko lyoshilongo nali tyapulwe pamuhanga mukehe oshitopolwa .

Okuyambidhidha osheetwapo shika,kehe oshitopolwa otashi ka pewa oodola 250 000 okuunganeka omatyapulo .

Tati iimaliwa mbyoka otayi ka topolwa okupitila moombelewa dhoo ngoloneya ,mboka taaka unganeka omatyapulo.

Mbambo ta tsu omukumo oshigwana shi landule omatseyitho okuza koombelewa dhoongoloneya yawo shinasha nomalongekidho.

Tati omupresident otaka tyapulila esiku kegumbo lyepangelo ,notaka edhilila aana diplomate mokati kayalwe ,okutyapula esiku lyemanguluko lyoshilongo.