MTC takwafa ovanyasha okupitila mo projeka tayuufanwa MTC 4 Life 2026

Ehangano lomakwatafano eengodi dopeke moshilongo (MTC) ola shiivifa metivali la hovela no projeka yalo tayuufanwa  MTC 4 Life 2026.

Oprojeka oili oshinyangadalwa tashi lalakanene okufyula ovanyanyamaulu va Namibia,  ovo vena omashiivo ounongo woiputudilo yomadeulo opaungoba oshoyo oku va yambidida pangesefa no ku liyambulapo.

Momushangwa oo wapitifilwa oikundaneki okudja kehangano lo MTC onghela,  owati oprogramme ota i ka tala keenghendabala doku nghonopaleka ovanyasha vefike po 30 okudja moshitopolwa sha  ǁKharas, ta ku talika kwaavo vehena oilonga no velipa oilonga kuvovene veli pokati komido 18 no 35.

Olopota taiyelifa nghene ovo vatofwamo tava ka pitila momadeulo oule womafiku eli 7 momaifano a yooloka oo akwatelamo ovo vena ounongo woku panda eexwiki , okukulula, okuhondja, okupangela eengodi okutumbulapo ashike omaifano amwepo.

Shelikwatelela ku MTC, okwati ovakufimbinga ota vaka mona ouwa woundjato voilongifo yo ku hovelifa oshoyo oshimaliwa shee  N.dollars 5 000,  opo shivakwafele moku xumifa komesho eengeshefa davo dishona.

Lwopokati opo omunambelewa elilepo oshikondo shomashingifilo no makwatafano mehangano lo MTC
Tim Ekandjo,  okwa ulika eudo nawa laye  moshinyangadalwa tapopi nghene o programme yaetwapo onga oshitopolwa shomafaneko oo a nuninwa omayambulepo opashiwana nenghonopaleko lo vanyasha mokweeta elunduluko li liwetikile kovanyasha.

Ekandjo ta popi nghene oProgrammes ngaashi oyo yo MTC 4 Life,  ili omito yo ku kwafa ovanyasha vapale ondjila yonakwiiwa yavo.

Picture:Contributed