Omalongekido oshivilo sho ngongola kUukwambi neudo okwa pyakudukwa

Elenga loshitunda shomufyuululwakalo Uukwambi tatekulu Ndilimani Iipumbu, okwati aishe oyapwa okulongekidwa oku ka tyapula oshivilo shokomudo sho neudo shongongola.

Oshivilo shoneudo shomaongo ota shityapulilwa konele yelenga momukunda  Onamega,  osho tashi ka kalako mu May.

Oshivilo shomaongo,  oha shityapulwa alushe keshe komudo hashilitambekidafana omalufo mokati ko malelo omifyuululwakalo eli 8 ovawambo,  nolufo loneudo ota shingilwa melelo lomufyuululwakalo la  Uukwambi.

Etyapulo loshivilo ola tulilwe moilonga oshikando shotete mo  2001.

Mokati kaavo haveya koshivilo omwa kwatelwa ovanapolitika, ovaleli vo mifyuululwakalo, ovanangeshefa oshoyo ovakwashiwana ohandimwe.

Tapopi no radio yomudidimbe yo pashiwana moshilongo, elenga tatekulu Iipumbu, okwati neudo oshivilo shomaongo ota shikakala yoo no shipambu shomito yovanangeshefa vashona valandife oilongomwa no mayakulo avo.