Omutengenekwa thaneko gopashimaliwa gonuumvo ogwa hokololwa kutya otagu yamukula koompumbwe dhegameno lyopankalathano,ashike kaguna omalunduluko ga pumbiwa oku kondjitha okwaahena iilonga mokati kaagundjuka,okwaahathikepamwe kuukashikekokantu ,oshowo okwaahathikepamwe kuulethimbo kwiiyemo

Images(Friedrrich Ebert Stiftung)

 

Shika osha hololwa pethimbo lyoonkundathana dhoku sokonona o budget dhuunganekwa ko National Assembly noko Friedrrich Ebert Stiftung,moka aakuthimbinga ya sokononona nkene o budget ya yamukula kokwaaha thikepamwe kopankalathano.

Ominista yemona Erica Shafudah okwa tula poshitaafula o budget yiiyemo nelongitho lyoshimaliwa yomumvo shimaliwa go 2026-2017 yoodola oobilion 81.1 ,ndjoka ya kwatelamo egwedhelo lyoondjambi dhaanilonga yepangelo no budget yoopololeka nenge yehumokomeho yoodola oobilion 6,5 koopololeka dhomahangano gepangelo.

Omunongoliko Mally Likukela okwa dhenge omuthindo esimano lyomilandu dhopashimaliwa dhoka tadhi yamukula oompumbwe dhoshigwana ,nomathaneko gekoko lyeliko uulethimbo .

Tati epangelo inali tegelela okwaahena iilonga maagundjuka kwaadhe oondjele dhili pombanda,opo li katuke onkatu nenge li gandje oshimalwia,

O budget tayi tala onakuyiwa osha hala kutya oku ilongekidhila omashongo, noku tula omalongekidho pomahala manga pepi,taku wilikwa koonkundathana niikandjohogololo ya gumwa.