Omutengenekwafaneko wo 2026/27 natango kauli ekwafo lo ku kandulapo onghalo yo kuhena oilonga mokati kovanyasha

Omutengenekwafaneko woshimaliwa wo 2026/27 owatalika uli ekwafo keameno loshiwana,  ashike nande ongaho ina ukwatelamo omilandu danghonopala odo tadi kwafele mokunyamukula komaupyakadi oku hena oilonga mokati kovanyasha, oku hena oufikepamwe paukashike koo okanhu oshoyo okufitika omwaka woyuuyemo.

Oshikundaneki sho Nampa osha lopota onghela kutya edi oda popiwa pefimbo kwali taku talika no ku nongononwa omutengenekwafaneko moshongalele osho shali sha unganekwa keumbo lomutumba wopashiwana  oshoyo ehangano lo   Friedrich-Ebert-Stiftung, omo ovakufimbinga vali tava dongokonona no ku tala nghene omutengenekwafaneko taudulu oku longifwa moku kandulapo omashongo ataalela oshiwana.

Oo eli ominsiter yoimaliwa neungaungo loshikuvila shaavo veli momumbwe Ericah Shafudah, etitano ladjako okwa  tula poshitaafula omutengenekwafaneko wafikama pee N.dollars 81.3 billion, oshimaliwa asho sha kwatelamo ewedelo leendjabi dovanailonga vepangelo, oshoyo omaxumokomesho oo kwa fanekwa aka etwepo koshimaliwa shee  N.dollars 6.5 billion.

Mosheetwapo sho mu shiivinawa moshikondo shoikwaliko  Mally Likukela, okwa popya nghene shapumbiwa ku longifwe omadilongo no mafaneko omoule oo eli kombinga yelongifo lomafaneko oshimaliwa.

Okwati omafaneko elongifo loshimaliwa shomutengenekwafaneko otashiti oku tala komashongo no ku tulapo omikalo domakandulepo omikundu oo ataalela oshiwana moikandjohoololo.