Opolisi yoshilongo molyomakaya oya dhimbulukwa aanambelewa mboka ya hulithila miilonga

Pictures(Nampol via facebook)

Iiponga yiitenditho,oya kalelapo aanambelewa oyendji yopolisi mboka ya hulithila miilonga uule woomvula ntano dha piti,niiihakanwa oyindji kwali tayi longele moshikondo sho VIP.
Shika osha hololwa olyomakaya,pethimbo lyedhimbuluko lyesiku lyo Interpol Blue Day ko Israel Patrick Iyambo Police College mo Windhoek.
Pethimbo lyedhimbuluko,aapambele yaanambelewa yopolisi 17 mboka ya hulithila miilonga oya pewa omapole simaneko,honararry medals, okuza kopolisi yoshilongo,oku simaneka iilonga neyakulo lya ningwa kaapambele yawo.
Edhimbuluko lyopashigwana ohali simaneke aanambelewa yopolisi mboka ya hulithila miilonga,muuyuni auhe.
Shiikwatelela komusholondondo gwaanambelewa yaka lala gwa leshwa pedhimbuluko, iilyo yopolisi yoshilongo 17 oya kanitha oomwenyo dhawo omanga yeli miilonga pokati komumvo 2020 sigo omonena.
Oyendji oya hulithila miiponga yomoondjila,omanga ya yahelwa miilonga nenge ya hulitha sho ya gombokelwa omanga yeli momatumo gopambelewa.
Omusholondondo oguulike iiponga yiiyenditho oyo ya kalelapo omaso ogendji,unene hayi holoka omanga aanambelewa taa ende niilonga yopambelewa,taya yamukula kiiningwanima yopaulumompumbwe nenge taya galuka okuza kiilonga.
Omwaalu ogundji gwaanambelewa yeli iihakanwa yiiponga yomoondjila okwali yeli koshikondo sho VIP,moshitopolwa Khomas.
Mokati kaamboka ya hulithila miiponga yiiyenditho,shiikwatelela ko Nampa,omwa kwatelwa Warrant Officcer George Shiluwa na Lukas Tagandja Nangolo,ya hulithile moshiponga shiiyenditho mOtjomuise Road mo 28 November 2025 sho ya thikitha ominista yeyambulepo lyokomikunda noondoolopa James Sankwasa kegumbo lye.
Aanambelewa oya hulithile pehala lyoshiponga,sho osheenditho shilwe shiipumu mosheenditho shawo shiilonga.