South Africa ahovela noshikonga sho tunila yeengobe oku kelela omukifi wekondo nelaka

Epangelo la South Africa ola shiivifa la hovela noshikonga shinene shokutunila eengobe shili eenghendabala do ku kelela etandavelo letukuko lomukifi wekondo nelaka moshilongo osho.

Etukuko lomukifi wekondo nelaka moimuna oo wadidilikilwe pexulilo lomudo wadileko, ota kulopotwa taweendelele oku tandavela no ta kutiwa eengobe didulife po 297,000 oda kumwa konghalo yomufiki no kufininika didulife po  120,000 dihalakanifwepo.

Eelopota odati etukuko lomukifi ola etififa oupyakadi womumbwe yombelela oshoyo ekanifo loilonga, omanga oshilongo sha didilika yoo eshunopedu loshimaliwa sha kala hashidi mombelela oyo ya kala haitumwa momalandifilo pondje yoshilongo moilyolongo ngaashi  China na Zambia.

Oo eli ominister younamapya mo South Africa, John Steenhuisen, metitano okwa tula moilonga oshikonga shotunila yeengobe nomuti oo takutiwa owa landwa okudja ko Turkey.

Olopota oya ulika kutya eengobe difike lunga pee 12 milllions okwa fanekwa dika kale da tunilwa moshilongo.