Namibia okuna omahooli ga gwana oomwedhi dhili pumbali

Uuministeli woomina niikwankondo owati Namibia okuna omahooli ga gwana,nomahooli galwe geli nale mondjila ga nuninwa omwedhi nguka oshowo April.
Aanambelewa oyati oshilongo otashi vulu oku landa omahooli komalandithilo gopashigwana ga yooloka,mwa kwatelwa Europe na India,molwaashoka omalandithilo gomahooli ogendji.
Epangelo olyati otali ka talulula wo eyalululo lyoondando dhomahooli pehulilo lya March omanga inaali tokola oshilanduli shasha kondando yiiyenditho noondando dhaalongithi.
Omunongoliko muuministeli woomina niikwankondo Abedneego Ekandjo okwa fatulula kutya egameno lyoshilongo lyomahooli opo lili oomwedhi sigo mbali.
Tati momwedhi March sigo April egameno lyomahooli opo lili lya gwana ,nomiyalu otadhi monika nawa. Tati oyena omaholi ga gwana moompungulilo ,noya tegelela omahooli ogendji tageya moshilongo.
Lopokati mpoka omupresident gwa South Africa Cyril Ramaposa okwa londodha elondo lyoondando omolwa epiyaganeko lyeandjaganeko lyomahooli .
Na Ekandjo ota fatulula kutya otashi gumu ngiini Namibia.
Ta fatulula kutya kehe oshilongo osha tegelela kehe shoka tashi holoka momalandithilo gopauyuni.
Ashike ngele tashiya ku Namibia,ngele twa thiki mu March,oshilongo otashi ka ninga omayalulo,tashi nongonona omiyalu,nepangelo otali ka kutha etokolo li tale nkene tali yamukula kiilanduli iiwinayi ngele opena.