Omukainhu womido 57 alyatwa okufya kosheendifo koshitopolwa sha Zambezi

Opolifi ya Namibia  moshitopolwa sha Zambezi  oyati oili ta ikonaakona oshiningwanima shedipao lihefi loshiningilewina konima eshi omweedi wokolupadi womido 57, alyatwa kosheendifo shali tashi shingililwa   momudingonoko wa Masokotwani oshondaxa konguloshi.

Shelikwatelela kolopota yopolifi ngaashi yalopotela oshikundaneki sho Nampa, onghela oyati oshiningwanima osha holoka lwopo 22h00, pefimbo otuwa yobaki yahangwa taishingililwa okudja kombinga ya Lusu, ya yuka ko Katima Mulilo, yelidenga momweedi wokolupadi.

Opolifi oyati nakufya okwa hangwa taende okudja pomukunda wopushiinda ayuka komukunda wavo wedina Mufumi pefimbo oshiningwanima sha holoka.

Otakulopotwa pefimbo alyatwa kosheendifo ali taningi onghendabala yo ku tauluka ondjila.

Nakufya okwa tongololwa nedina kutya oye Josefina Kapinda, eli omukwashiwana wa Angola no kwa kala hadi momukunda  Mufumi. Ovapambelewa vanakufya ovashiivifilwa.

Omushingi oo ena omido 44 nokuna omukanda wokushinga pefimbo onghundana yapitifwa kali amangwapo natango no makonaakono opolifi moshinima okwa hovela.